بصو ياحلوين جبتلكم جميع طرق عمل الجمبري يارب تستفادو منها
اول طريقه
البانيه
الجمبري بيكون متقشر بتبلو في معلقتين زبادي وملح ولمون وكمون وكركم واسيبو شويه في التتبيله
واعمل شويه ميه علي بيضه علي دقيق علي معلقه كركم علي بقسماط علي توابل سمك وملح واضربهم كويس واخليهم خليط سايل كده
وطبق تاني فيه دقيق علي بقسماط
احطو في الخلطه وبعدين الدقيق علي البقسماط وبعدين ارجع احطو في الخلطه السايله وبعدين الدقيق علي البقسماط تاني واحمرو في زيت سخن
بيكون واو
تاني حاجه المسلوق بقشرو
بحطو في حله سخنه واصدمو واقطع عليه بصل وتوم وقرن فلفل وشويه توابل
واسيبه يتسلق فيهم وينزل ميتو اذا احتاج ميه ضيفي بسيط
بيكون جميل 
تالت حاجه المشوي طبعا تتبليه الاول ودا ممكن بقشرو وومكن مخلي من القشر
بتجيبي اسياخ الشيش وترصيه فيها وفي صنيه سخنه وتفضلي تقلبي علي الجنبين لحد اما يستوي
وبيكون رائع
رابع حاجه طاجن في الفرن
بتحطي علي النار ببصله وتوم وتوابل وتسبيه شويه وضيفي عليه طماطم مفرومه ويغلي غلوه وتحطيه في طاجن ودخليه الفرن وممكن تضيفي بقدونس لو تحبي
بيكون حلو اوي
خامس حاجه ممكن تعمليه شاورما
تقطعي بصل وفلفل تدبلبهم وتنزلي بالجمبري المقشر و المتبل بلمون وملح وتظبطي التوابل والملح ولما يطيب تقدميه وبالف هنا بيكون حلو اوي كمان
سادس حاجه بقا ممكن تحطيه علي البيزا بتكون روعه
بتسلقيه بفص توم وبصله وتوابل وضيفيه عليها
سابع حاجه بقا كبسه الجمبري حاجه كده تحففففه والله
تجيبي حله تحطي الجمبري فيها بصله متقطعه صغير فصين توم فلفل الوان وتنزلي بالجمبري وتقلبي ومعلقه كركم وتقلبي وتنزلي بالميه بتاعت الرز تغلي غلوتين تنزلي بالرز وتظبطي الملح واما يتشرب تضيفي جزر مبشور وتقلبيه في بعضو وتسبيه يطيب
طعم ولا اروع من كده
ثامناا بقا ودا تعديل الملوخيه بالجمبري
بتشوحي الجمبري بتوم وحتت زبده صغيره وتقلبيه كتير وهو هينزل ميه بيستوي فيها وتنزلي ميه الملوخيه وتكوني فارمه فلفل بتوم وتنزليها وتزبطي الملح وتنزلي بالملوخيه وتغلي غلوتين وبس كده
انا بعملها كده بصراحه بتكون جميله
بتكون جميله السي فود بقا بعملو كده
بقطع الكابوريا والمحار والسمك الفليه وجمبري وكالماري وسبيط
الانواع الموجوده يعني
بسخن حله وانزل فيها بحتت زبده وبصله مفرومه ادبلها وانزل بالسمك حاجه حاجه واقلبهم لحد اما لونهم يبقا اصفر كده واضيف بهاراتي كمون كسبره ناشفه ملح فلفل اسمر قليل واسيبها شويه كام دقيقه كده
وبعدين اضيف الميه حسب الكميه واسيبها تستوي مبتخدش وقت اول ماتستوي بضيفي كريمه الطبخ وتظبطي الملح وتقدميها سخنه
احلا مليون مره من بتاعت المطاعم جربوها واحكمو
وبكده اكون خلصت وبالهنا والشفا
ليست هناك تعليقات:
إرسال تعليق